Oassi fysioterapiijabálvalusas doaimmahuvvo dearvvašvuođastašuvnnas, skuvllas, mánáidgárddis, buhcciidsiiddas, iešguđet fuollavisttiin ja pasieanttaide geat dárbbašit lášmmohallama go buohcciviesus bohtet ruoktot ja/dahje olbmuide geat leat čálihuvvon ásahussii go dárbbašit rehabiliterema/habiliterema.  

Bálvalusa ulbmil

- Eastadit, dikšut ja heivehit hálddašit dávddaid, vahágiid, vigiid ja hedjonan doaibmanávccaid 

- Sihkkarastit ahte ovttaskas olmmoš oažžu vejolašvuođa eallit ja orrut iešheanalaččat, ja ahte sus lea aktiivvalaš ja jierpmálaš eallin ovttas earáiguin 

- Fokus lea áimmahuššat, doalahit ja buoridit geavaheaddji funkšuvnna ja ávkkástallat funkšuvdnapotensiála mii gávdno, go árvvoštallá oktavuođaid gaskal funkšuvdnaváttisvuođaid ja veahkehit ráhkadit doaibmabijuid ja lášmmohallama mii sáhttá nannet pasieantta doaibmadási.   

Fysioterapiija galgá leat mielde ovddideamen pasieanttaid rievdadusproseassaid mat sáhttet leat mielde geahpedeamen bákčasiid ja buorideamen funkšuvnna ja vejolaččat bisuhit doaibmadási oanehat ja guhkit áigái.  

Geat sáhttet oažžut fysioterapiija?

- Buotahkásaš olbmot geat dárbbašit lášmmohallama vahága, dávdda dahje vigi geažil, ja olbmot geain leat máŋggadáfot ja/dahje kronalaš dávddat maid galgá čuovvolit guhká. 

- Maiddái čuovvolit mánáid geain leat iešguđetlágan dávddat ja vahágat dahje eahpesihkarvuohta máná čálgamii. 

- Olbmuide geaidda dábálaš lášmmohallanfálaldat ii leat doarvái 

Maid don sáhtát vuordit mis

- Mis lea jávohisvuođageasku ja leat olmmošlaččat 

- Fysioterapevtta árvvoštallama vuođul mii fállat heivvolaš čuovvoleami mii lea heivehuvvon du dárbbuide 

Maid mii vuordit dus

- Don ja/dahje du ovddasteaddji leat/leahppi aktiivvalaččat mielde ovddideamen dearvvašvuođa ja máhtestuvvama 

- Don leat mielde hábmemin mihtuid ja doaibmabijuid 

Kárášjoga gieldda bargit čuvvot Bargobiraslága bálvalusdoaimmaheamis. Dan oktavuođas mii bivdit ahte stobuin gos borgguhuvvo, biggohuvvo bures ovdal go bargit bohtet, ii ge galgga borgguhit siste go fysioterapevta doaimmaha iežas barggu. Veahkki ii galgga vásihit dárbbašmeahttun riskka go boahtá šilljui, omd. galgá beatnagiid čatnat. 

Bálvalusa haddi

Eatnašat galget máksit iežasoasi go fitnet fysioterapevtta luhtte. Iežasoasserádjá mearriduvvo jahkásaččat iežasoasserájá láhkaásahusa vuođul. Go juvssat rájá, de oaččut automáhtalaččat friddjakoartta poasttas. Logge sisa helsenorge.no:i ja geahča iežasosiid mat leat registrerejuvvon du nammii. 

Muhtun joavkkut eai dárbbaš máksit iežasoasi fysioterapevtta guorahallamis ja divššus. Dát guoská

• vuollil 16-jahkásaš mánáide 
• olbmuide geain lea dohkkehuvvon fidnovahát (guoská maiddái vuosttašgeardebálvalusa soalddáhiidda Suodjalusas) 

Gielddalaččat virgáduvvon fysioterapevta:  Inger Pauline Teigmo, Kárášjoga Fysioterapevtabálvalus, čujuhus: Ráđđeviessogeaidnu 7, 9730 Kárášjohka. tlf. 92012628

Gielddalaš doaibmašiehtadusa vuođul fysioterapevta: Leif Balto, Karasjok fysikalske institutt, čujuhus: Suomageaidnu 37, 9730 Kárášjohka. tlf.78467300