Bálvalusa ulbmil lea

• Eastadit, dikšut ja heivehit hálddašit dávddaid, vahágiid, vigiid ja hedjonan doaibmanávccaid 
• Ovddidit sosiála oadjebasvuođa, buoridit heajosdilálaččaid eallineavttuid, váikkuhit ovttaárvosašvuhtii ja dásseárvui ja eastadit sosiála váttisvuođaid 
• Sihkkarastit ahte ovttaskas olmmoš oažžu vejolašvuođa eallit ja orrut iešheanalaččat, ja ahte sus lea aktiivvalaš ja jierpmálaš eallin ovttas earáiguin 

Individuála plána

• Váldoplána mas du mihtut leat vuođđun 
• Válddaha geas lea ovddasvástádus bargat maid ja goas 
• Gáibida ahte don ieš aktiivvalaččat leat mielde, vejolaččat du oapmahaččaid doarjagiin 
• Ii fátmmas dušše gielddalaš dearvvašvuođa- ja fuolahusbálvalusaid, muhto maiddái eará. Sáhttá ovdamearkka dihtii leat NAV, skuvla/mánáidgárdi dahje báhtareaddjibálvalus.  
• Individuála plána lea geavaheaddjistivrejuvvon individuála plána. Čálalaš ovttasbargošiehtadus mii válddaha geas lea ovddasvástádus masa, ja áigemearit goas mii galgá dáhpáhuvvat.

Koordináhtor

• Lea okta du bálvalusaddiin 
• Galgá fuolahit dárbbašlaš čuovvoleami dus 
• Galgá sihkkarastit du bálvalusfálaldaga ovttasteami 
• Lea ovddasvástádus du individuála plána barggu mannolahkii 
• Sáhttá fállojuvvot vaikko vel it hálit individuála plána 

Geat sáhttet oažžut individuála plána ja koordináhtora

Olbmuin geat dárbbašit guhkesáigge ja koordinerejuvvon dearvvašvuođa- ja fuolahusbálvalusaid, lea vuoigatvuohta oažžut koordináhtora ja individuála plána, jus ieža dan háliidit. Guhkesáigi mearkkaša ahte dárbu navdojuvvo bistit muhtun áigodaga, muhto ii dárbbaš leat bistevaš. Koordinerejuvvon bálvalusat mearkkašit ahte dárbu guoská guovtti dahje eanet dearvvašvuođa- ja fuolahusbálvalussii. 

Maid don sáhtát vuordit mis

• Mis lea jávohisvuođageasku ja leat olmmošlaččat 
• Koordináhtor lea olámuttus ja lágida du gažaldagaid ja dárbbuid rivttes ásahussii 
• IP ođasmahttojuvvo dárbbu mielde ja ovttas duinna 

Maid mii vuordit dus

• Ahte don vuolláičálát miehtama, vai koordináhtor sáhttá lonohallat dárbbašlaš dieđuid ovttasbargi ásahusaiguin. 
• Ahte don ieš leat mielde váikkuheamen individuála plánii 
• Ahte don válddát oktavuođa go dárbbašat veahki

Bálvalusa haddi

Bálvalus lea nuvttá.