Njoammudili stáhtus:
2 njoammuma 
8 leat karantenas ja 9 vuordinkarantenas

150 olbmo leat iskkahuvvon maŋimuš 2 beaivvi ja sis s. 50 leat njuolgga oktavuođas njoammudillái.

Buhcciidossodat lea rukses dásis, dat mearkkaša, ahte ossodat lea giddejuvvon gussiide ja njoammueastadandoaimmat čavgejuvvojit

Fuolahusvisttiin lea guossedárkkisteapmi ja njoammueastadandoaimmat čavgejuvvojit

Ruovttubuohccedikšu lea čavgen njoammueastadandoaimmaid, geavahuvvojit njálbmesuojit ja reaiddut ja biillat spriitejuvvojit juohke vuoruid gaskka.

Oapmahaččaide lea čuvgejuvvon njoammudili ja –doaimmaid birra.

Doavtterstašuvdnii biddjojit čavga njoammueastadandoaimmat, muhto gielda rahčá bisuhit doavttirstašuvnna ja doavttervávtta fálaldagaid.

Buot lágideamit šluhttejuvvojit otná rájes miessemánu 28. b. rádjai. Spiehkastahkan leat mánáid ja vuollel 20 jahkásaš nuoraid hárjehallamat.

• Buot dán vahkkoloahpa kirkomeanut leat šluhttejuvvon ovttasráđiid kirkuin.
• Plánejuvvon kino maŋŋebárgga 26/5 lea šluhttejuvvon
• Álbmotvuojadeapmi giddejuvvo.

Alkoholaguossoheapmi bissehuvvo olgobáikkiin otná rájes miessemánu 28. b. rádjai

Gielda ávžžuha buohkaid bissut ruovttus ja ráddjet sosiála oktavuođaid.
Gielda rávve garvit mátkkošteami gieldda olggobeallái.

Árvvoštallat eambo doaimmaid dađistaga njoammudili ektui.

Divššohasat, geat čálihuvvojit olggos Hammarfeastta buohcceviesus, iskkahuvvojit johtilis iskosiiguin buohcceviesus ja PCR iskosiiguin boađidettiin Kárášjohkii ja biddjojit vuordinkarantenii dassážii go iskkusvástádusat bohtet.