Vahkuin 26 ja 27 bovdet 222 olbmo oažžut vuosttas boahkuhandosa. Vuosttas dosa Pfizer-boahkuid fállat vuoruhanjoavkkuid 8, 9 ja 10 olbmuide (Joavku 9: 45-54 jahkásaččat. Joavku 10: 18-24 jahkásaččat ja 40-44 jahkásaččat). Jáhkkimis buohkat vuoruhanjoavkkuin 8 ja 9 ožžot vuosttas dosafálaldaga maŋimustá vahkus 27 ja buohkat joavkkus 10 ožžot vuosttas dosafálaldaga maŋimustá vahkus 29.
Oahpaheddjiid ja mánáidgárdebargiid vuoruheami oaivilin lea, ahte sii berrejit leat ožžon vuosttas dosa maŋimustá ovdal skuvlajagi álggaheami. Nugo dál lea dilli, de olahat mihtu sierra vuoruheami haga, go buot Kárášjoga ássit, geat gullet boahkuid vuoruhanjoavkkuide, ožžot vuosttas dosa maŋimustá vahkus 32. Jos prognosa rievdá, de gielda árvvoštallá ođđasit oahpaheddjiid ja mánáidgárdebargiid vuoruheami.
12-17 jahkásaš nuoraide, geain lea alla riska buohcat duođalaččat, maid fállojuvvojit boahkut. Sidjiide sáhtti fállat BioNTech-Pfizer-boahkuid, mat leat dohkkehuvvon badjel 12 jahkásaččaide. Dát lea ovddemustá mánát ja nuorat, geain leat duođalaš ja máŋggadáfot neurologalaš dávddat dahje mielriegádan syndromat:
- Orgánasirdimat, immunaváilevašvuohta, hematologalaš borasdávdda maŋimus vihtta jagi.
- Eará aktiiva borasdávda, borasdávdadikšu dahje aiddobeliid loahpahuvvon dikšu (erenomážit immunaváidudeaddji dikšu, suonjardikšu geahppáide dahje seallamirkkot)
- Neurologalaš dávddat dahje deahkkedávddat, mat mielddisbuktet hedjonan gossanfámu dahje geahppádoaimma (omd. ALS ja cerebral parese)
- Downs syndroma, kronalaš manindávda dahje mearkkašahtti hedjonan manindoaibma.
Bivdit dáid mánáid váhnemiid/fuolaheddjiid váldit oktavuođa fástadoaktáriin, vai almmuhit sin boahkuheapmái.
Go bovdehus boahtá helsenorge.no bokte, de dan ferte nannet 12 tiimma siste. Jos dan ii daga, de áigefálaldat gahččá eret.
Mii muittuhat álbmoga, ahte sii eai dárbbaš váldit oktavuođa doavttirstašuvnnain boahkuhanvuoruhemiid ektui. Mii bovdet FHI vuoruhanortnetvuoru mielde.
Bivdit badjel 55-jahkásaččaid, geat orodit gielddas (vuoruhanjoavku 8) ja geat eai leat ožžon boahkuhanfálaldaga, váldit oktavuođa gielddain, tel. 48409014.