Kárášjoga gielda bovde du boahkuheapmái helsenorge.no bokte, go lea du vuorru oažžut boahkuid.

Bovdet ná:

Sáddet dutnje SMS, mas bivdit du čálihit sisa helsnorge.no siidui ja doppe oainnát áigešiehtadusa. Dasa lea dehálaš vástidit, go áigi ii registrerejuvvo ovdal go leat dohkkehan dan.

• Jos don it nanne áiggi helsenorge.no bokte 12 tiimma siste vuostáváldon SMS dieđu, de du boahkuhanáigi maŋiduvvo automáhtalaččat.

Jos dus leat váttisvuođat, váldde oktavuođa tel. 484 09 014, de mii veahkehat du.

Jos don leat helsenorge.no geavaheaddji, sáddet dutnje dieđu jogo SMS dahje e-poastta bokte. Don bijat ieš helsenorge.no siidui, mo dutnje sáddejuvvojit dieđut. Helsenorge.no siidui beasat sisa BankID:n.

Jos don it leat helsenorge.no geavaheaddji, de mii sáddet dutnje SMS. Das lea mielde liŋka, mas beasat čuovvovaš válljenvejolašvuođaide:

• Mun válddán munnje várrejuvvon áiggi
• Mun válddán boahkuid, muhto evttohuvvon áigi ii heive munnje         
• Mun in dáhto boahkuid
• Leago sáddejuvvon boasttu olbmui?

Jos mii eat gávnna du telefonnummara, de mii sáddet dutnje reivve. Mii bivdit reivves du váldit minguin oktavuođa telefonnummarii 784 68 500 – doavtterstašuvnna vuostáváldin.