Kárášjoga gielda ávžžuha álbmoga ráddjet mátkkošteami oppalaččat ja erenomážit guovlluin, gos eŋgelas virusnuppástus lea leavvagoahtán. Dat leat gielddat, mat áiggis áigái meroštallojuvvojit ráđđehusa čavgejuvvon doaimmain. Dálá gielddat leat: Enebakk, Frogn, Indre Østfold, Moss, Nesodden, Nordre Follo, Oslo, Vestby, Våler ja Ås.
Ávžžuhat mátkkošteddjiid iskkahuvvot
Kárášjoga gielda ávžžuha olbmuid iskkahuvvot, jos maŋimuš 7 beaivvi lea galledan guovlluid, gos virus lea leavvan.
Mii dáhttut dás duohko maiddái iskkahit mátkkošteddjiid, geat bohtet daid 10 gielddain. Vuosttas iskkaheami berre dahkat boađidettiin nu jođánit, go vejolaš. Áigi šiehtaduvvo doavttirstašuvnnain.
Ráddje sosiála oktavuođaid ja lagašoktavuođaid
Ávžžuhat ráddjet sosiálaoktavuođaid ja lagašoktavuođaid minimálan logi vuosttas beaivvi boahtima maŋŋá.