Preassadieđáhus duođaštuvvon njoammuma hárrái Kárášjoga gielddas:

  • Kárášjoga gielda rámida studeanttaid geat iskkaheigga dalle go dovddaiga dávdamearkkaid. Soai luobaiba barggus go iskkus čájehii Covid-19 njoammuma.
  • Studeantta guovttos iskkaheigga go bođiiga bargohárjehallamii, ja leaba iskkahan jeavddalaččat bargohárjehallan áigodagas.
  • Kárášjoga gielda hilgu daid ságaid ahte studeantta guovttos leaba leamaš mielde boahkuheamen álbmoga.
  • Kárášjoga gielda bivdá mediaid leat noađutkeahttá studeanttaid gažaldagain. Soai goitge dovdaba dili noađđin dál. Jus medias livčče gažaldagat, de dáhtošeimmet daid ovdanbidjat baicce gildii.
  • Buhcciidossodagas divššohasaid iskkadeamis  beaivvis 0 ledje buot iskosat negatiiva.  Odne leat iskan golbmasa, ja vástádusat bohtet gul maŋŋebárgga mielde.
  • Dál leat 9 olbmo karantenas ja 16 olbmo vuordinkarantenas. Olut leat biddjon vuordinkarantenii go sis leamaš lagašoktavuohta lagašoktavuođaide eará gielddas.

Muđui ávžžuhat mii Kárášjoga álbmoga čuovvut ráđđehusa njoammueasttan neavvagiid:

  • Ane gaskka
  • Ráddje sosiála oktavuođaid
  • Vealtta dárbbašmeahttumis mátkkoštemiid
Maŋemusat rievdaduvvon 25.05.2021 09.46