Prinseassa bođii Kárášjohkii jo beaivvi ovdal, ja álggahii galledeami Jergolis.  Das jotkkii mátkkis Sámmolaš beskii badjebearraša mielde, gos Prinseassa oktan fáruin maiddái idjadedje.   Orusteamis oaččui Prinseassa lagaš oktavuođa boazoealáhusain, Sámi eallinvugiin ja áidnalunddot luondduin gielddasteamet.  

Beaivvi maŋŋil Prinseassa buorástahttojuvvui Niitohárjjis gos oahppit lávlo ja juige sutnje. Doppe prinseassa čálii namas sistái mii galgá ođđa skuvlla, mii dál huksejuvvo, seaidnái. Dat lea symbolalaš dahku, mii báhcá olusiidda muitui. Prinseassa ofelastojuvvui dasto Kárášjoga skuvllas mii doaimmahuvvo, dassážii go ođđa skuvla gárvána, gaskaboddosaš bráhkáin. Doppe son deaividii ohppiiguin ja bargiiguin, ja sutnje čájehuvvui sin skuvlabeaivi oktan sin doaimmain. 

Galledeamis prinseassa oaččui skeaŋkkaid guđege ohppiidráđđejođiheddjiin, guvssi skuvllas, ja gielddas fas sámeniibbi.

Skuvlagalledeamis go gearggai, de manai Sámediggái, juoga mii deattuha Gonagasviesu lagaš ja guhkesáigásaš oktavuođa Sámi álbmogiid, gillii ja kultuvrii. 

Galledeapmi lea sihke stuorráid ja smávváid lihkastahttán sakka, ja báikegoddái lei stuorra gudni oahpásmahttit prinseassa Kárášjohkii ja Sámi kultuvrii. Prinseassa galledeapmi movttiidahtii sihke mánáid ja nuoraid, ja dat muittut báhcet midjiide guhkes áigái.

Mii giitit Gonagaslaš Allavuođa go válljii galledit Kárášjoga ja dan liekkus ja oadjebasaláš vuohkái deaividit sihke mánáid ja ollesolbmuid.  

Dearvvuođaiguin
Kjell Olav Guttorm 
Sátnejođiheaddji