Go jahki nohkagoahtá, de lea buorre beassat čoahkkanit juovlaávvudeapmái. Juovllat addet midjiide mávssolaš vejolašvuođa bisánit, geahčadit maŋos vássán jahkái, ja seammás geahččat ovddasguvlui doaivagiiguin ja vuordámušaiguin ođđa jahkái.

Ollugiidda mearkkašit juovllat ovddemustá áiggi bearrašii. Dat lea áigi  árbevieruide ja ovttasdoaibmamii, ja muittuha man dehálaš lea fuolahit guhtet guimmiideamet ja čájehit ávvira. Mánáide juovllat mearkkašit dávjá dievva vuordámušaid, dorvvolašvuođa ja muittuid eallimii. Justa danne lea mis buohkain oktasaš ovddasvástádus oaidnit guhtet guoibmámet, ja fuolahit ahte buot mánát Kárášjogas besset vásihit liekkusvuođa, ávvira ja ilu juovlabasiid.

Loahpas háliidan cealkit stuorra giitosiid ássiidasamet, bargiidasamet ja buohkaide geat iešguđet láhkai váikkuhit dasa ahte Kárášjohka lea dorvvolaš ja buorre ássanbáiki.

Sávan didjiide buohkaide rivttes buriid ja ráfálaš juovllaid, ja buorre ođđa jagi!

Dearvvuođaiguin
Kjell Olav Guttorm 
Sátnejođiheaddji