Meahcceduopmostuollu
Meahcceduopmostuollu meannudii Kárášjohášši nuppi vuoru. Mun lean golahan olu áiggi čuovvut dikki, ja sihke gielddadirektevra ja mun letne vihtanuššan doppe.
Mun muitalin vásáhusaidan birra meahcásteaddjin, ja ovdanbidjen gieldda oaivila áššis. Kárášjohášši lea daid stuorámus ja dehálamos áššiin gildii áiggisteamet ja bohtosis gártá leat stuorra prinsihpalaš mearkkašupmi boahtteáigái.
Duopmocealkin vurdojuvvo ođđajagis.

Gielddastivra
Gielddastivra čoahkkinastojuvvui golggotmánus, gos meannudeimmet earret eará gielddalaš prošeavttaid nammaáššiid ja gieldda boahttevaš politihkalaš organiserema.
Gielddastivra mearridii čuovvovaš namaid dáid gielddalaš prošeavttaide:
- Guovllu namma: Buolvvas bulvii
- Ođđa skuvlla ja kulturvistti namma: Kárášjoga oahppa- ja kulturguovddáš
- Dearvvasvuođaguovddáža ođđa namma: Kárášjoga dearvvasvuođaguovddáš
Gielddastivra meannudii maid boahttevaš politihkalaš organiserema. Mearrádusa váldočuoggát leat:
- Geahpedit politihkalaš čoahkkimiid loguid 5 čoahkkimis 4 čoahkkimii jahkái.
- “Bajásšaddan-, oahppa-, giella- ja kulturváldolávdegoddi” ja “Dearvvasvuođa- ja fuolahusváldolávdegoddi” ovttastahttojuvvo oktan viđa lahtut lávdegoddin.
- Geahpedit gielddastivrralahtuid 15 lahttui.
Loahpalaš mearrádus politihkalaš organiserema hárrái dahkkojuvvo juovlamánus.

Báhkildálu rahpan
Gielddadirektevra ja mun oasálasttiime gilidálu “Báhkildállu” ođđasisrahpamis. Dat lei ilosmahti oaidnit olu boahtán olbmuid rahpančalmmustahttimii.
I forbindelse med arrangementet holdt jeg en hilsen og fikk æren av å foreta den offisielle snorklippingen. Samtidig fikk vi et godt innblikk i det engasjementet som finnes i grendelaget og de mange aktivitetene og tilbudene som grendehuset legger til rette for.
Grendehuset er en viktig møteplass i lokalsamfunnet, og jeg vil nok en gang takke alle som har bidratt til å gjøre gjenåpningen mulig.
TV-akšuvdna
Dán jagáš TV-akšuvnnas ávžžuhin mun Kárášjoga ealáhusdoaimmaid addit ruhtadoarjagiid maid sisaboađut manne Flyktninghjelpena bargui soahte- ja riidobáhtareddjiid várás. Mun váccašin maid ruhtastobiin. Dat lei sihke guoibmái ja ulbmillaš, ja dakko bokte bessen deaivvadit gieldda ássiiguin ja maiddái ovttas singuin dahkat dehálaš ášši.
Mun giittán buot fitnodagaid, organisašuvnnaid ja ássiid geat adde dán jagáš čoaggimii.
Giellavahku rahpan
Mun serven dán jagaš Giellavahkkui Sámi dálááiggedáiddaguovddážis. Sámediggeráđiin Ann-Elise Finbogain ja Kárenaš Sámi giella- ja kulturguovddáža jođiheddjiin Gudrun E. Lindiin ovttas.
Dan oktavuođas rahppojuvvui maid Sámi Ruoktu čájálmas. Čájálmas lea dahkkojuvvon Sámi Allaskuvlla duodji ja designa bachelorstudeanttain, ja álggahuvvui Sárá Gáren Ánne Niluha joikeperformanceain.
Rahpan čalmmustahtii dehálaš vahku sámegiela ja –kultuvrra oainnusmahttima ja nanusmahttima, gosa čoagganedje báikegottisteami iešguđetlágan oasálastit.
Čoahkkimat muđuid
Ovdagoddi finadii Guovdageainnus čoahkkinastimin Ávjovári IPR:as. Dat gárttai maid guoibmás deaivvadeapmi Guovdageainnu sátnejođiheddjiin oktan ovdagottiinis, ja čoahkkimis beasaimet guovllu oktasaš hástalusaid ja vejolašvuođaid birra gulahaddat ja ovttasbargat.
Dán mánus čađahuvvui maid Gearggusvuođačoahkkin. Gearggusvuođabargu lea erenomáš dehálaš dál go leat globálalaš ráfehisvuođaáiggit. Dorvvolašvuođa ja gearggusvuođaváfisteamis lea dehálaš ahte gielda ja minddar gearggusvuođaoassálastit ovttasbarget bures ássiideamet várás.
Várresátnejođiheaddji doaimmat
Várresátnejođiheaddji Mathis Nilsen Eira lea oasálastán Fylkkagielddain Bieskángeainnu geahčadeamis. Gielda ja fylkkagielda oamasteaba ja hálddašeaba oktasaččat geainnu iešguđetge gaskkaid. Geahčadeami ulbmil lea lagabui oaidnit geainnu dili ja ságaškuššat máđasatnindárbbu ja dárbbašlaš divodemiid.
Sadjásaš sátnejođiheaddjin son oasálasttii maid KS:a sátnejođiheddjiidkonferánssas ja fylkkagieldda čakčakonferánssas, mii dollojuvvui Girkonjárggas golggotmánu 27.–29 beivviid.
Mun sávan buohkaide rivttes guoibmás skápmamánu.
Ustitlaš dearvvuođaiguin
Kjell Olav Guttorm
Sátnejođiheaddji