Birasčuovgatoardna
Kárášjoga gieldda bealis lei munnje illu geiget Birasčuovgatoardnadiploma Antis Reintransport ASii.
Dás logat lasi geigemis.
Bearalmohkáš sátnejođiheddjiin
Dán jagi bovdejin mun ássiid hearvás váccašeapmái Givdovárádjagii. Eatnat giitu buohkaide geat serve ja dahke váccašeami sihke hávskin ja muitin veara.
Dás logat lasi váccašanmátkkážis.
Nammačoahkkin - ođđa skuvla- ja dearvvasvuođaguovddášvisti
Mus lei Mánáid- ja nuoraidráđiin nammabidjančoahkkin ođđa skuvlii ja dearvvasvuođaguovddážii.
Nuoraidráđđi anii stuorra beroštumi áššái, ja mii leat ovttas álggahan nammagávdnanmannolaga mii buvttadivčče ođđa visttiide ja guvlui čielga gullevašvuođa ja báikkálaš čanastumi. Ássiid váikkuheapmi lea dehálaš. Danne bovdet mii buohkaid geat dáhtošedje addit oaiviliiddiset. Mii hálidivččiimet áinnas evttohusaid mat inspirerejuvvo sámegielas, -kultuvrras-, -historjjás ja luonddus. Muhto buot evttohasat leat buresboahtimat.
Dás logat mannolagas ja nammaevttohasaid sáddet sisa.
Evttohasaid sisasáddenáigemearri lea čakčamánu 11. beaivi 2026!
Lávdegottečoahkkin - Kárášjoga gieldda politihkalaš organiserema árvvoštallan.
Bargojoavkkus mii árvvoštallá Kárášjoga gieldda politihkalaš organiserema leamaš loahppačoahkkin. Bargojoavku, mas ovdagoddi ja gielddadirektevra oasálastá, lea guoradan dálá organiserema ja árvvoštallan molssaevttolaš vugiid boahttevaš politihkalaš organiseremii.
Barggu duogáš leamaš árvvoštallat ahte leago dálá politihkalaš struktuvra heivehuvvon gieldda sturrodahkii, ekonomiijii ja hálddahuslaš návccaide. Árvvoštallamat leamaš gielddastivralahttologu geahpedeapmi, soames ráđiid ja lávdegottiid ovttastahttin, gielddastivrračoahkkimiid geahpedeapmi. Muđuid fertet doahttalit stuorát politihkalaš organiseren rievdadusaid čuohcat guovddáš demokráhtalaš gažaldagaide ja dasa ferte viiddis politihkalaš čanastupmi gielddastivrras.
Mun giittán bargojoavkku buriid divaštallamiin ja dehálaš oaiviliidaddimii dán mannolagas. Raporta lea dál gárvvistuvvon ja dahká joatkkalaš politihkalaš meannudanvuođu gielddastivrras.
Ekonomiijabádji
Gielddadirektevra bovdii politihkkáriid ja hálddahusa jođihangotti ekonomiijabádjái mii gullá 2027 bušeahttabargui ja 2027-2030 áigodaga doaibma- ja ekonomiijaplánabargui.
Kárášjoga gielda lea gáržžes ekonomalaš vuoruhemiid siste. Ođđa dearvvasvuođaguovddáža ja ođđa skuvla- ja kulturviesu huksedettiin heivehat mii beaivválaš doaimma gáržžit ekonomalaš dillái. Gielda gártá dieđihuvvot ROBEKii, ja mii fertet danne joatkit rievdadit ekonomalaš dili ceavzilat doibmii.
Bájis guorahalaimet vuđolaččat gieldda ekonomalaš dili ja boahttevaš jagiid hástalusaid. Mii divaštalaimet doaibmagoluid geahpedeami muđuid go váfistat láhkageatnegahttojuvvon bálvalusaid ássiide. Dát mearkkašit váttes, muhto dárbbašlaš politihkalaš vuoruhemiid.
Munnje lea dehálaš ahte álbmotválljenolbmot searvidahttojuvvo árrat bušeahttamannolagas, vai gielddastivra buktit čielga politihkalaš signálaid gielddadirektevrra bušeahttaevttohussii.
2027 bušeahttabargu jotkojuvvo miehtá čavčča loahpalaš meannudeapmái juovlamánus.
Gaskabeaivvit WIBN - sáttagottiin
Kárášjohkii leamaš hávski leat doallogoddin World Indigenous Broadcasters Network (WIBN) ovddasteddjiide. WIBN lea olles máilmmi eamiálbmotmediaid ja sáttamediaid čoakkáldat mas oktasaš ulbmil lea seailluhit ja nannet eamiálbmotgielaid, -kultuvrraid ja muitalusaid mediaid bokte.
Galledeami oktavuođas sávven mun oasálastiide buresboahtima Kárášjohkii. Sáhkavuorus deattuhin mun Kárášjoga leat sámegiela, kultuvrra ja servodateallima dehálamos guovddážiid gaskkas.
Muitalin maid mu bajásšaddamis Kárášjogas ja dan čanastumi mat soapmásiiguin min gaskkas leat lundui bivddu, guollebivddu ja luonddu ja čáziid árbevirolaš geavaheami bokte.
Mun muitalin maid daid dehálamos servodatdivaštallamiin mat čatnasit eanageavaheapmái, luondduhálddašeapmái ja boahttevaš ovdáneapmái.
Sáhkavuorus deattuhin maid eamiálbmotmediaid árvvu. Journalismma, muitalemiid ja sáttamediain váikkuhit sii seailluhit giela, nannet gullevašvuođa ja váfistit eamiálbmogiidda vejolašvuođa ieža beassat muitalit muitalusaidis jienaideasetguin. Dat lea maid WIBNa váimmus bargu.
Eahket gárttai leat hávskái buriid háleštemiiguin, ođđa oahppásiiguin ja riikkaidgaskasaš árvvus adnojuvvon vásáhuslonuhemiiguin.
Dearvvuođaiguin
Kjell Olav Guttorm
Sátnejođiheaddji