Sandra Maria Balto
Basiid gaskka lei Sandra Maria Balto bovdejuvvon ráđđevissui čalmmustahttojuvvot su olahusaid vuodjanarenas 2025. Mielde son válddii áhčis Runar Balto ja ovdalis hárjeheaddji Kjetil Andersena. Mun dárjon káfe ja gáhku, ja geigejin Sandrai oanehis dearvvuođaid ja skeaŋkakoartta gielddas. Hirbmat guoibmái lei maid ahte Sandra ovdalis vuodjanhárjeheaddji lei fárus. Mis ledje buorit ságastallamat ja ožžon áidnalunddot čalmmustahttima Kárášjoga vuodjanbirrasii.
Sandra olahusat lea 19 NM medálja, 4 x Norggameašttir, 4 juniorolahusa, 3 x Davviriikkaid Meašttirin 2025!
Mii sávvat Sandrai lihku ain 2026 ja heiet du!
Norgga Doaibmavádjigiid lihtu ođđajagideaivvadeapmi (NFU)
Mun maid leamaš NDL ođđajagideaivvadeamis Kárášjogas. Doppe lei dárjjodeapmi, lávlagat, musihkka ja buorit ságastallamat. Bovdehus illudahtii mu sakka, ja dat lei hirbmat hearvái oaidnit ja gullat dehálaš bargguin maid min báikkálaš lihttu dahká Kárášjogas.
Konferánssat
Davvi dorvvolašvuohta ja gearggusvuohta lea gártan dehálaš fáddán dađistaga go dorvvohisvuohta lassána máilmmis. Ođđajagis lean oasálastán guovtti konferánssas Oslos dan fáttá olis.
Mun oasálasten vuos dan politihkalaš bájis Davvi-Norga – nannosat ovttas! mii dollojuvvui dan 12 guvllolaš ráđiid ja dan 3 fylkkagieldda olis. Semináras doalai earret eará Sámediggeráđđi Paul Bendikk Jåma sáhkavuoru Sámedikki vuordámušain Norgga dorvvolašvuođapolitihkkii. Anders S. Buljo, Guovdageainnu sátnejođiheaddji oasálasttii lávdeságastallamis Ávjovári IPR olis, gos son ovddidii Ávjovári perspektiiva gearggusvuođa olis. Semináras oasálasttii maid Ráđđehus, Stuorradiggi ja suodjalushoavda.
Konferánsa lei dehálaš, mii attii munnje buoret duohtavuođaáddejumi dorvvolašvuođa- ja áittagova máilmmis, ja maiddái min gearggusvuođadilis davvin. Vuollelis lean bidjan soames gova konferánssas.
Maŋit beaivve oasálasten maiddái Nord i Sør konferánssas mii lei báidnojuvvon dorvvolašvuođas máilmmis.
Sávan ain buori ođđa jagi!
Dearvvuođaiguin
Kjell Olav Guttorm
Sátnejođiheaddji