Gielddastivrračoahkkin
Mii leat doallan gielddastivrračoahkkima gos váldoáššit ledje opmodatvearru, jahkeraporta ja jahkerehketdoallu 2025 ja maiddái bušeahttaođasmahttin.

Gielddastivra lea mearridan Kárášjohkii ásahit opmodatvearu 2027 rájis. Opmodatvearru lea gaskaboddasaš ja sisaboađut mannet njuolgga ođđa skuvlla- ja dearvvasvuođaguovddáža reanttuid ja gessosiid gokčat. Dat eai mana dábálaš doibmii.

Ulbmil lea geahpedit vearu dađistaga ja heaittihit go ekonomalaš noađđi geahppánišgoahtá.  Nuppe dáfus mearriduvvui ahte ráhkkanišgoahtit meroštallat ealáhus- ja astoáiggeopmodagaid váfistan dihtii vuoiggalat vearronoađi juogadeami áiggiid badjel.

Gielddastivrras lei buorre ja áššái doalli divaštallan ovdal mearrádusa.

Gielddastivra dohkkehii maiddái 2025 jahkeraportta ja jahkerehketdoalu. Lassin mearridii gielddastivra bušeahttaođasmahttima 2026.

Sátnejođiheaddjin mun loahpalaččat deattuhan ahte gielda lea ekonomalaš gáibideaddji dilis mas politihkalaččat lea hui uhca doaibmavárit. Álbmotválljenolbmuide šaddá dat hirbmat gáibideaddjin, sihke ovddasvásttolaš vuoruhemiid ja guhkesáiggi jurddašeami hárrái. Nuppe dáfus lea hui dehálaš ovttamielalašvuođas dáid dahkat váfistan dihtii ceavzilis ekonomiija ja buriid bálvalusaid ássiide boahttevaš jagiid.

Kárášjohášši
Carsten Smitha hávdádusa oktavuođas finadin vel Lund & Co advokáhttafirpmás ságaškuššamin Kárášjohášši. Beroštusjoavkku jođiheaddji, Ragnhild Nystad, maid oasálasttii čoahkkimis. Čoahkkin lei buorre ja duddjojeaddji.

Mun muittuhastán ahte Meahcceduopmostuollu čađaha šiehtademiid golggotmánus Kárášjogas. Dat gártá gieldda ássiide leat dehálaš mannolat, juoga maid mun sátnejođiheaddjin gárttan lávgadit čuovvut ovddasguvlui.  blir en viktig prosess for kommunens innbyggere, og noe jeg som ordfører vil følge tett i tiden framover.

Carsten Smitha hávdádus
Mun ovddastin Kárášjoga gieldda Carsten Smitha hávdádusas Oslo duopmogirkus. Dat lei alla árvosaš ja nana čalmmustahttin olbmui gii stuorra oasi eallimis barggai vuoiggalašvuođa, riektestáhta ja servodatovddideami ovddas.

Dan maŋŋá leat maid juohkán Kárášjoga álbmoga ovddas muitosániid, gos mii árvvosmahttit su vuoruheamis ovddidit sámerievtti ja su mearkkašumistis min báikegoddái. Carsten Smitha maŋis báhcet bissovaš mearkkašumit, ii dušše erenomáš juristan, muhto maiddái su šaldumis ja dehálaš doarjjaolmmožin Sámi vuoigatvuođa bargguin. Muitosániid logat dáppe.

Pride- levgen
Levgemiin ráđđeviesu luhtte mii leat maiddái čalmmustahttán Pride.   Čalmmustahttin ovdanbohtet dehálaš árvvut go girjáivuohta, ráhkesvuohta ja searvidahttin gielddasteamet. Gieldan lea midjiide čájehit min leat oadjebas servodat buohkaide, beroškeahttá gii ja gean guhte ráhkistivčče.

Ságahis gávnnat fiinna artihkkala čalmmustahttimis.

Čoahkkimat muđuid
Girjerájusguovddáža jahkečoahkkimis ja Davvi Girjji generálačoahkkimis ovddastin mun gieldda oamastusberoštumiid. Guktot doaimmat leat dehálačča váfisteamen litteratuvrra, máhtu ja kulturbeasatlašvuhtii. 

Mii leat maid čoahkkinastán politiijaráđiin, gos mii earret eará bargat ođasmahttit ođasmahttit ovttasbargošiehtadusa gaskal gieldda ja politiija. Dat ovttasbargu lea dehálažžan váfistit buori ja dorvvolaš báikegotti.

Nu sávan mun buohkaide rivttes buori geasi!

Ustitlaš dearvvuođaiguin 
Kjell Olav Guttorm 
Sátnejođiheaddji