Válga 2025 - Jienastit ruovttus?
Vuossárgga čakčamánu 8. b. leat stuorradiggeválggat.
Jus don dávdda dahje bargonávccahisvuođa geažil it sáhte vuolgit válgalatnjii dahje ovdagihtiijienastanlatnjii, de sáhtát ohcat lobi beassat jienastit ruovttus dahje doppe gos don orut. Ii leat dárbu ohcat jus orut ásahusas gos lágiduvvo ovdagihtiijienasteapmi.
Ohcamis fertet almmuhit olles nama, riegádanbeaivvi ja -jagi, ja man čujuhusas don leat maŋimuš vahku ovdal válggaid. Galggat maiddái almmuhit telefonnummara masa sáhttá riŋget.
Ohcanáigemearri lea čakčamánu 2. b. dii. 15.00
Ohcamuša sáddejuvvo:
Kárášjoga válgastivrii
Poastaboksa 84
9735 Kárášjohka
dahte e-poasta: postmottak@karasjok.kommune.no