Fuođđovalljodatlága § 9 lea bivdidivada, goddindivada ja fuođđofoandda birra. Gielda ásaha fuođđofoandda dain gielddain gos lea lobálaš bivdit ealggaid, sarvvaid dahje ruoigguid gieldda fuođđohálddašeami ovddideami dihte.
Gielddalaš fuođđofoanda muddejuvvo fuođđo- ja fylkkagielddalaš fuođđofoandda láhkaásahusas ja ealgga ja sarvvagoddindivadiin. Stuorradikki bušeahttamearrádusa goddindivatmáksomearit (Stáhtabušeahtta). Goddindivada gáibidanvejolašvuođa dihte ferte gielda mearridit gielddalaš goddindivatláhkaásahusa. Gielda gáibida bivdoguovlovásttolaččas goddindivada. Goddindivat biddjojuvvo gieldda divatbálvalusmuddemii ja ođastuvvo dasto jahkásaččat Stuorradikki mearriduvvon badjemearremáksomeriid siste. Goddindivattienas manná gielddalaš fuođđofondii.
Sarvvafuođđohálddašeami § 5 vuođul gielda mearrida ealga-, sarvva- ja ruoigobivdoálgima láhkaásahusa. Gielda mearrida maiddái unnimus areála. Unnimus areála rievdadeapmi ovddiduvvo ođđajagimánu 15. beaivvi sisa, ja gielda rievdada dasto gustoheaddji láhkaásahusa njukčamánu 15. beaivvi sisa seamma jagi. Danne evttohuvvo ođđa gielddalaš láhkaásahusas unnimus areála jotkojuvvot dán vuoru.
Ealgabivdoálgima gustovaš láhkaásahusa lea Finnmárkku Fylkkamánne mearridan cuoŋománu 5. beaivvi 2001. Dat láhkaásahus addá ealgabivdilobi Čáhcesullos, Guovdageainnus, Fálesnuoris, Porsáŋggus, Kárášjogas, Davvesiiddas, Deanus, Unjárggas, Mátta-Várjjagis ja Bearalvákki gielddain Finnmárkkus. Láhkaásahusas leage mearriduvvon bivdoálgin, ja unnimus bivdiguovllut olu Finnmárkogielddain. Álkitvuođa dihte lea sávahahtti oažžut ovtta gielddalaš láhkaásahusa vuollái sihke bivdoálgima, unnimus ealgaareála ja goddindivatmearrádusa.
Hálddahuslága § 37 olis sáddejuvvo láhkaásahusevttohus gulaskuddamii ovdal loahppamearrádusa. Láhkaásahusevttohus sáddejuvvo áššáiguoski gulaskuddanberošteddjiide ja biddjojuvvo maiddái gieldda ruoktosiidui.
Dán gulaskuddama fátmmastuvvon mearrádusat leamaš jo mearriduvvon dálá Bivdo-, sálaš ja fuođđolágas (Fuođđoláhka) §§ 18 ja 40 ja sarvvafuođđo- ja sarvvahálddašanláhkaásahusa §§ 5 ja 6 ja gielddalaš ja fylkkagielddalaš fuođđofoandda láhkaásahusas ja ealgga- ja sarvvagoddindivadis. Dán láhkaásahusa ulbmil lea čohkket bivdui gulli ja goddindivat áššiid oktasaš láhkaásahusa vuollái. Gulaskuddan meannuduvvo gielddastivrras. Gulaskuddanáigemearri biddjojuvvo 6 vahkkui.
Gulaskuddan oaiviladdimat sáddejuvvo š-poasttas postmottak@karasjok.kommune.no dahje breava hámis; Kárášjoga gielda, Poastaboksa 84, 9735 Kárášjohka
Gulaskuddanoaiviladdima áigemearri lea geassemánu 8. beaivi.