Golggotmánu 1. beaivvi čalmmustahttojuvvo riikkaidgaskasaš boarrásiidbeaivi Kárášjogas girjás prográmmain oktan logaldallamiin, digitála guoimmuhemiin ja oktasaš borramuš ráhkademiin ja ovttastallandoaluin. Beaivvi prográmma gávnnat mildosis vuolde.

Midjiide lea illu sávvat bures boahtima Ellen Cecilie Triumf-Buljo logaldallamii. Son logaldallá movttiidahtti vuohkái Sámi borramušvieruid birra ja juohká gelbbolašvuođastis ja vásáhusaidis minguin.

Logaldallama maŋŋá bovdet mii buohkaid geat hálidit ráhkadit oktasaš borramuša. Don it dárbbaš searvat ieš dan borramuša ráhkadeapmái – don sáhtát dušše geahčadit, háleštit ja leat guoimmuheaddjin eará oasálastiide dan botta go borramuš ráhkaduvvo.

Elle lea reinstyrke.no doaimmaheaddji, ja son lea bargan ráhkadit biebmolasáža goikaduvvon ja jáfejuvvon bohccovuoivasis. Sus lea biebmodiđolašvuođa mastergráda Norgga biras- ja biodiđolašvuođa universitehtas (NMBU) gos lea dutkan dearvvasvuođa ovddideami iešvuođaid bohccobierggus ja veardidan sarvvabiergguin.
(Dieđuid viežžan Ellen Cecilie neahttasiiddus).

Mii movttain vuorddašat beaivvi buori birrasis!

Ahkeheivehuvvon Norga lágida soames digitála doalu dán vahkus maid leat gohčodan «Boarrásiidvahkku». Boarrásiidvahkku lea oassin lágádusas Ahkeheivehuvvon Norga prográmma 2030, mii lea doaibmabidju Dorvvolaš ruovttusássan-reforpmas. Vuolde sáhtát geahččat buot daid logaldallamii mat dollojuvvo dán vahkus. Soapmásat báddejuvvo, maid sáhtát maŋŋá geahččat. Logaldallangollosa gávnnat Ahkeheivehuvvon Norgga siidduin: Boarrásiidvahkku 2025 – Ahkeheivehuvvon. Dat guokte logaldallama mat dollojuvvo gaskavahku golggotmánu 1. beaivvi čájehuvvo stuorrašearpmas Kárášjogas.  

invitasjon til eldredagen 1. oktober 2025 (PDF, 532 kB)