Gielddastivrra vuođđudeami oktavuođas golggotmánus 2019 bođii ođđa gielddaláhka fápmui. Ođđa gielddalágas gáibiduvvo gielddain láhkaásahus álbmotválljenolbmuid doaibmamáksui.

Go lea gáibádus ahte njuolggadusat dahkkojuvvo láhkaásahusmearrádussan, de dasa leat sierra áššemeannudannjuolggadusat ovdal go láhkaásahusmearrádus mearriduvvo. Okta dain lea ahte láhkaásahusárvalusat galget sáddejuvvot gulaskuddamii ovdalgo dat loahpalaččat mearriduvvo gielddastivrras.

Gielddadirektevra lea ráhkadan álbmotválljenolbmuid doaibmamáksoláhkaásahussii álgoevttohusa gielddalága mearrádusaid olis, mii duddjojuvvo sakka gustojeaddji njuolggadusaid ala. Álgoevttohusa hápmi lea veháš rievdaduvvon láhkaásahusaid ja láhkaásahusmearrádusaid hábmengáibádusaid hárrái.

Gulahallanáiggi maŋŋá gielddastivra meannuda ja mearrida láhkaásahusa loahppaevttohusa. Láhkaásahus gusto buohkaide geat definerejuvvo álbmotválljenolmmožin gielddalága njuolggadusaid vuođul.

Dokumeanttaid gávnnat dáppe:

Doaibmamáksoláhkaásahusevttohus álbmotválljenolbmuide 2024-2027 (PDF, 544 kB) 

Doaibmamáksonjuolggadusat álbmotválljenolbmuide mearriduvvon 10.12.2020 (PDF, 353 kB)