Eiseválddit ávžžuhit buot bearatgottiid unnimustá vahkkui háhkat borramuša, juhkančázi, dálkasiid ja dárbbašlaš dávviriid. Maiddái deattuhuvvo dehálažžan leat veahkkin gránnjáide, boarrásiidda ja earáide geat dárbbašivčče veahki roassodilis.

Oassin Iešgearggusvuođavahkus 2026 lágida Kárášjoga gielda čuvgehusáŋgiruššama lasihit ássiide iešgearggusvuođamáhtu. Gieldda neahttasiidduid ja doaimmaid bokte ožžot ássit ráđiid ahte mo ráhkkanit birget elrávnnji, mobiilaneahta ja interneahta haga, ja gos sáhttet gávdnat luohtehahtti dieđuid roassodilis. https://www.karasjok.kommune.no/tjenester/sikkerhet-og-beredskap/

– Buorre gearggusvuohta ii mearkkaš olbmuid galgat leat balus, muhto leat ráhkkanan vuordemeahttumis dáhpáhusaide, muitaluvvo dán jagáš áŋgiruššamis.

Kárášjoga gieldda neahttasiidduin ássit gávdnet dorvvolašvuođa- ja gearggusvuođadieđuid, maiddái ráđiid dasa mo bearatgottit ráhkkanivčče roasuide ja dehálaš bálvalusaid jávkamii.

Gielda ávžžuha ássiid háhkat iešgearggusvuođadieđuid ja čuovvut almmolaš diehtokanálaid jus gárttašeimmet dakkáraš dillái.