Mánáidgárdeeaiggát dahje stivrejeaddji sáhttá ohcat gaskaboddosaš sierralobi pedagogalaš bargoveaga norpmas, sierralobi oahppagáibádusas ja dárogielmáhttogáibádusas. Sierralohpeohcamii atnit dán ohcanskovi:
§2 Sierralobi pedagogalaš bargovega norpmas, ohcanskovvi (DOCX, 81 kB)
§3 Sierralohpi oahppagáibádusas, ohcanskovvi (DOCX, 91 kB)
Kárášjoga gielddas mánáidgárdeeiseváldi lea gielddadirektevrra bargoveagas, gos dát ohcamat meannuduvvojit.
Ohcanáigemearri
Jos mánáidgárdi ii nagot deavdit pedagogalaš bargoveaganorbmagáibádusa, dat sáhttá ohcat gaskaboddosaš sierralobi. Sierralohpi gustogoahtá áramustá mánáidgárdeeiseválddi mearrádusbeaivvi rájes.
Mildosat
Gaskaboddosaš sierralohpeohcama ferte dokumenteret.
Mearrádus
Mánáidgárdeeiseváldi dahká čálalaš ovttaskasmearrádusa, go dat juolluda dahje hilgu gaskaboddosaš sierralohpeohcama. Mearrádusas vuođuštuvvo, manne gaskaboddosaš sierralohpeohcan juolluduvvo, juolluduvvo eavttuiguin dahje hilgojuvvo.
Váidalanvejolašvuohta
Ovttaskasmearrádusa lea vejolaš váidalit. Áigemearri lea golbma vahku mearrádusa vuostáváldimis. Váidalusa ferte vuođuštit.
Váidalus sáddejuvvo mánáidgárdeeiseváldái ráhkkaneapmái ja árvvoštallamii.
Jos mánáidgárdeeiseváldi doalaha mearrádusa ollásit dahje belohahkii, sáddejuvvo váidalus Tromssa ja Finnmárkku stáhtahálddašeaddjá, gos dahkkojuvvo loahpalaš mearrádus.