Doaibmavádjigis olbmuid ráđđi
Mun oasálasten doaibmavádjigis olbmuid ráđi čoahkkimis oahpásmuvvan dihtii singuin. Áššiid maid meannudedje ledje earret eará ásodatsosiála plána váibmocahkkeheddjiid Kárášjogas. Ilosmahtti oaidnit dan áŋgiris ráđi mis dáppe Kárášjogas.
Ovttasbargočoahkkin Ohcejoga gielddain
Ovdagoddi oktan gielddadirektevrrain čoahkkinasttii Ohcejoga gielddain nannen dihtii dan rájáidgaskasaš ovttasbarggu. Kultur-, skuvla- ja ealáhusgaskasaš ovttasbargu lei guovddážis ságastallamiin, ja čoahkkin lei čielga muittuhus dasa ahte man dehálaš buorre rájáidgaskasaš ovttasbargu lea. Mis lei erenomáš buorre čoahkkin bargoustibiinnámet Ohcejogas, ja boahtte gielddaidgaskasaš čoahkkima doallat Kárášjogas.
NIBIO:in čoahkkin guovžahivvodaga birra
Mus oktan hálddahusain leamaš čoahkkin Norgga bioekonomalaš instituhtain (NIBIO) Kárášjoga guovžahivvodaga birra. Kárášjoga ealgabivdiid searvi oasálasttii maid čoahkkimis. Doppe midjiide áigeguovdilastojuvvui prošeavttaid ja dili birra Kárášjogas. Mun lean maid deattuhan man dehálaš NIBIO hivvodatgohccin bargu lea midjiide Kárášjogas.
NIBIO lea maid fállan galledit skuvlamet iežaset “Dutkilab” láhčosiin, lassin gielddastivrra galledeapmái njukčamánus. Dákkáraš buori ovttasbarggu lea vuogas vásihit.
Sámi álbmotbeaivi
Mis leamaš Sámi álbmotbeaivvi ávvudeapmi.
Beaivi álggahuvvui "God Morgen Norge" njuolggosáddagiin Sámedikkis ja Kárášjoga skuvllas.
Dasto lei levgen ráđđeviesu luhtte gos mánáidgárdemánát lávlo. Levgema maŋŋá guossohuvvui gallededdjiide káffe, gáhku bruvssa ráđđeviesus, gos ledje maid buorit ságastallamat. Dat lei hui hearvái ja guoibmái. Dáppe gávnnat lassi govaid čalmmustahttimis.
Niitohárjjis jotkojuvvo almmolaš doalut maŋŋágaskabeaivve. Doppe ledje guoibmás doalut korpsačuojahemiin, dánssain kulturskuvlla bealis ja kulturstipeandda geigemiin. Diehttalasat lávlojuvvui doppe Sámi soga lávlla. Doppe ledje maid hearvás doaimmat mánáide.
Mun gullen maid ahte eahkedis lei VEGARDis konsearta servodatviesus.
Sátnejođiheaddjin mun lean hui goargat ja giitevaš min guoibmás ávvudemiid badjel mat leat jagi dehálepmosiid gaskkas!
Mu sátnevuoru logat dás.
Nu mun sávan didjiide rivttes buori vahku!
Dearvvuođaiguin
Kjell Olav Guttorm
Sátnejođiheaddji