Dáid joavkkuide fállat koronaboahkuid:
- Ávžžuhat boahkutkeahtes olbmuid boahkuhuvvot farggamusat
- Sidjiide, geain váilu nubbi dosa
- Ođastandosa(3.DOSA) badjel 18 - jahkásaččaide.
- 4. Dosa sidjiide, geain lea duođalaččat heajos dávddaid vuostálastinnákca
- 5 – 11 jahkásaš mánáid, geain lea duođalaš duogášdávda
Muitte, ahte nuppi ja goalmmát dosa gaska ferte leat uhcimusat 4,5 mánu (20 vahku)
Sii geat leat buohcan koronadávdda: Ferte leat gollan uhcimusat 3 mánu buozalmasvuođa ja boahkkodosa gaskka.
Sii, geat iešguđege sivaid geažil (omd. lihkadaneastta, áŧestus, dálkkasnállobállu) eai sáhte boahtit boahkuhanlanjaide, sáhttet gulahallat molssaevttolaš vejolašvuođaid birra doavttirkontuvrrain, tel. 78468500 (jeara Ann Mari)
GOLGODÁVDABOAHKUT: Mii fállat maid golgodávdaboahkuid, sidjiide geat dáhttot, drop-in seamma áigge, duorastaga 20.01 Servodatvisttis. Dieđut golgodávdaboahkuin
Ávžžuhat váhnemiid čuovvut mánáideaset (12-15 år) boahkuheapmái
- Boahkuhanbeaivái mánát fertejit leat deavdán 12 jagi.
- Sidjiide, geat leat deavddekeahttá 12 jagi, fállojuvvo boahkuhus maŋŋelabbos áigemuttus.
- Uhcimustá nubbi váhnen/ ovddasteaddji mieđušta máná.
- Buot mánáid čuovvu mieđihanskovvi maid guktot váhnemat/ ovddasteaddjit leaba vuolláičállán.
- Biebmoruovttus ássi mánáin galgá leat duođaštus dan gieldda Mánáidsuodjalusbálvalusas gos sii leat eret.
- 5 – 11 jahkásaš mánáid boahkuheapmi: Ávžžuhat muhtun 5 – 11 jahkásaš mánáid, geain lea duođalaš duogášdávda, boahkuhuvvot. Jos fástadoavttir dahje Spesialistadearvvasvuođabálvalus lea ávžžuhan du boahkuhuvvot, váldde oktavuođa Kárášjoga doavttirstašuvnnain, tel. 78468500, dahje geavat Helserespons (SMS).