Politihkalaš čoahkkimat gielddas
Mun lean čuvvon mánáid- ja nuoraidráđi čoahkkima. Das sii válljejedje jođiheaddji ja várrejođiheaddji ja gieđahalle earret eará 2026 bušeahta. Sii bukte gildii olu buriid oaiviliid ja sii hirpmahuhtte mu ahccilvuođain ja áŋgirisvuođainis.
Mun lean maid oahpásmuvvan dihtii čuvodan váldolávdegottečoahkkimiid. Doppe leat gieđahallan olu dehálaš áššiid, earret eará čielggadan opmodatvearu, ja 2026 bušeahtta lea gieđahallojuvvon buot golmma lávdegottiin. Ollislaš čoahkkinlisttaid gávnnat dáppe.
Ávjovárri IPR
Mun lean čoahkkinastán Ávjovári IPRain. Áššiid maid divaštalaimet lei earret eará guovttegielatgaskaoamit, duohtavuođa- seanadankommišuvnna raportta, dálkkádatrievdamiid ja gearggusvuođa. Buorre ovttasbargu gránnjágielddain illudahttá mu. Finnmárkobuohcceviesus maid guovlladedje ja čuvgejedje doaimmaidis. Áššebáhpáriid ja dieđuid gávnnat dáppe.
Mun ovddastin maid Ávjovári IPRa Agenda Nuorra stivrrajoavkočoahkkimis. Doppe hálešteimmet earret eará mánáid- ja nuoraidráđiid huksemiid dehálašvuođas Finnmárkkus.
Mun lean maiddái čoahkkinastán Sámedikki plána- ja ruhtadankomiteain gos ovdanbidjen guovttegielatgaskaomiid hástalusaid ja dárbbuid, ja maiddái bukten oaiviliid duohtavuođa- seanadankommišuvnna raportta bargguid hárrái.
Ealáhusdoaibma
Mun lean galledan Sápmi Ealáhusgárddi Kárášjogas ja čoahkkinastán singuin. Mii hálešteimmet olu Kárášjoga ealáhusovddideamis ja gieldda ja báikkálaš ealáhusdoaimmaid ovttasbarggu dehálašvuođas.
Lassin lean oasálastán Kreativ Industriija oaiviladdinčoahkkimis mas Sámi mátkkoštandoaibma lei váldofáddán.
Ođđa skuvla ja dearvvasvuođaguovddáš
Loahpalaččat dáhtun vel muitalit Kárášjoga skuvlla- ja dearvvasvuođaguovddáža stivrenjoavkočoahkkimis. Dan oktavuođas finadeimmet geahčadeamen huksenbáikkis. Dat lei gelddolaš oaidnigoahtit visttiid hámiid. Dat šaddet duođaid ebmos boahtteáigásaš visttit. Vuollelis juogán soames govaid geahčadeamis.
Dáinna sávan ain vahkku didjiide munnin!
Dearvvuođaiguin
Kjell Olav Guttorm
Sátnejođiheaddji